“Orena himavantassa,
nadikā sampavattatha;
Tassā cānu­pa­khettamhi,
sayambhū vasate tadā.

Maṇiṃ paggayha pallaṅkaṃ,
sādhucittaṃ manoramaṃ;
Pasannacitto sumano,
buddhassa abhiropayiṃ.

Catunnavutito kappe,
yaṃ maṇiṃ abhiropayiṃ;
Duggatiṃ nābhijānāmi,
buddha­pū­jāyi­daṃ phalaṃ.

Ito ca dvādase kappe,
sata­raṃsī­sanā­makā;
Aṭṭha te āsuṃ rājāno,
cakkavattī mahabbalā.

Paṭisambhidā catasso,
… pe …
kataṃ buddhassa sāsanaṃ”.

Itthaṃ sudaṃ āyasmā maṇipūjako thero imā gāthāyo abhāsitthāti.

Maṇi­pūja­kat­theras­sāpadā­naṃ aṭṭhamaṃ.